خربشه تاريخية

 لما بنتكلم عن تاريخ الدول الاسلاميه مبيكنش الهدف التفضيل بينها لانها كلها بتشكل جزء من تاريخنا الاسلامي واامماليك زيهم زي اي دوله بدات قويه وحصن من حصون الاسلام ثم انتهت الي الضعف واهم اسباب ضعفها هزيمة ديو البحريه وفقدانها السيطره علي تجارة الهند مع العلم ان الهند في الفتره دي لم تكن خاضعه للمماليك باي شكل كان دي كانت محكومه من المغول المسلمين ومن الهنود في بعض الاماكن الاخري التجارة  التي انتقلت الي راس الرجاء فخسر المماليك مصدرهم الاقتصادي كان شعار يوحنا الملاح اول من سعي للدوران حول افريقيا شعار تدمير الاسلام بسلبه قوته الاقتصاديه دي حاجه الحاجه التانيه عمر المماليك في تاريخهم ما اختلطوا بالشعب المصري طول عمرهم منعزلين عنه لاسباب كتير منها طبيعة تربيتهم العسكريه الخاصه ثانيا لان المصريين نفسهم كانو شايفينهم عبيد وعشان كدا كان فيه رفض في بدايه توليهم الحكم وثورات ضدهم في الصعيد ومن العربان
ثالثا لما ابن اياس بيقول المصريين بيكون قصده علي المماليك ولما بيقول العامه والدهماء بيكون قصده المصريين مع العلم انه من اباء مماليك شركس فلا يعتد برايه في تلك الفتره بشكل حصري بسبب انحيازه لاهله لازم ندور علي مصادر تانيه
رابعا المقريزي توفي عام 1442 يعني لا حضر قايتباي ومعركة اضنه ولا معركة ديو وهزيمه المماليك ولا حتي دخول سليم الاول مصر
خامسا تحالف المماليك مع ايران والبندقيه ضد العثمانيين كان من اهم اسباب توجه سليم الاول لمحاربة الطرفين والانتصار عليهم ودخول مصر وتعيين نفس المماليك اللي حاربوهم حكام محليين علي مصر وليس المقصود خاير بك فقط حتي ان سليم الاول كان هيعفي عن طومان باي وهيمسكه حكم مصر تحت سيادته لولا بعض الوشايات فسليم الاول كان بيقدر جدا شجاعه الرجال ومش راجل سادي مريض زي ما صورته بعض المسلسلات التافهه الموجهه
سادسا الدوله العثمانيه بدات قويه وانتهت الي الضعف والسقوط شانها شان التاريخ فالدول تشب وتشيخ كما قال ابن خلدون
سابعا تاريخ اي امه عباره عن سلسله لا يجوز فصل حلقاتها يعني مش عشان احنا سنه نلغي تاريخ الفاطميين في مصر او نلغي اي حقبه علي مزاجنا دا تاريخ الامه الاسلاميه العظيمه اللي قادت البشريه مايزيد عن الف عام اختلف فيها عنصر الحكم من عرب لفرس لترك وشركس لترك تاني
الخلاصه التاريخ لا يعيد نفسه اطلاقا ولكننا نحن من نعيد نفس الاخطاء التي ارتكبناها في الماضي وننتظر نتائج مختلفه التاريخ هو العلم الذي اذا تعلمناه بشكل صحيح سيتغير حاضرنا  ومستقبلنا